Mimio

       
Müasir tələblərə cavab verən avadanlığın təhsil ocaqlarında istifadəsinə böyük tələbat olduğunu nəzərə alaraq, Təhsil Nazirliyinin dəstəyi ilə 2009-cu ildən Mimio İnteraktiv texnologiyaları üzrə Təlim mərkəzi mövcuddur və burada DYMO/Mimio şirkətinin (ABŞ) Azərbaycan nümayəndəliyi tərəfindən bu texnologiyalar üzrə təlim kursları təşkil olunub. Kursu bitirmiş müəllimlər qurğudan dərslərində istifadə etməyi və interaktiv dərs, dərs vəsaiti, çalışmalar və tapşırıqlar hazırlamağı tam şəkildə öyrənmiş olurlar.
       Xüsusi olaraq təhsil sistemi üçün yaradılmış DYMO/Mimio texnologiyası müəllimlərə tədris zamanı yeni biliklərin daha asan yolla tələbələrə çatdırılması,

tələbələr isə daha tez dərslərin qavranılması və mənimsənilməsi üçün düşünülüb. Avadanlıqla yanaşı DYMO/Mimio proqram təminatı, tədris kontenti (rəqəmsal dərs resursları) və keyfiyyətli təlimi təmin edir. Məhz buna görə də Mimio interaktiv lövhələri bütün dünyada dövlət təhsili tərəfindən dəstəklənir.

     MİMİO təlim texnologiyalarının ən üstün cəhəti onun universal olmasıdır. Müəllimin fəaliyyətini asanlaşdırır, imkanları genişləndirir, az vaxt ərzində daha çox və effektiv iş görülür. Dərsin tipindən asılı olmayaraq, MİMİO qurğusundan istifadə də dərslər çox dinamik olur,  tələbələr səylə çalışırlar, məqsədə çatmaq üçün bilik və bacarıqlarını, yaradıcılıq qabiliyyətlərini fəallıqla nümayiş etdirirlər. İnteraktiv MİMİO qurğusu nəinki dərsin rasional təşkilidir, həm də pedaqoji və psixoloji məsələlərin həllidir. MİMİO öyrənmək, anlamaq və  yaratmaq imkanı verən vasitədir. Elektron dərsliyin  bir çox üstünlükləri   mövzuların izahının, məsələlərin həllərinin, interaktiv dərslərin, tapşırıqların, müxtəlif animasiyalar şəklində verilməsi   daha yaxşı mənimsənilməsinə kömək edir. Hər bir tələbənin  müstəqil işləməsinə imkan yaradır, bu isə onlarda özünə inam hissini inkişaf etdirir. Mən də bu qurğudan dərs  prosesində geniş  istifadə  edirəm.