Bilik Günü

           2004-cü ilə qədər bu gün sentyabrın 1-nə təsadüf edirdi. Lakin Azərbaycan Respublikasının Prezidenti İlham Əliyevin 21 avqust 2004-cü il tarixli fərmanı ilə ölkəmizin bütün təhsil müəssisələrində dərslərin sentyabrın 15-dən başlanması qərara alınmış, beləliklə, həmin gün Bilik Günü elan edilmişdir.

Son Zəng

Son zəng  Azərbaycanda bütün  məktəb,  kollec və  institut  tələbələrinin  ənənəvi  bayramıdır. Son  zəng  dərslər  qurtardıqdan  sonra  lakin  imtahanlar  başlamamışdan  əvvəl  mayın  sonlarında  keçirilir. 

 Bu  bayram  hər  bir  tələbənin xatirəsində  ən  xoş  xatirələrlə  yadda  qalır.  Son zəng bizi  tərk  edən  uşaqlığın  simvoludu. Bu  artıq  adi zəng  deyil, bu  zənglə  həyatımızın  müəyyən  bir  hissəsi  ilə   vidalaşıb, naməlum bir  gələcəyi qarşılayırıq. 

Elə  buna  görə də  son  zəng  bir  az  kədərlidi. Bu günü  tələbələrin  yanaqlarında  göz  yaşları parıldayır. Lakin  bu  göz  yaşları   bir  az  da  sevinc  göz  yaşlarıdır. Təbii  ki,  heç  bir  son  zəng musiqi  və  şerlərsiz  keçirilmir. Son  zəngdə  tələbələr  müəllimlərə  onların  müdrikliyi  və  səbrlərinə  görə  təşəkkür  edir.  Kollec onlara  dostluğu,  sevməyi, yaşamağı  öyrətdiyinə  görə  minnətdarlıqlarını bildirirlər.

         May ayının 20-si  kollecimizdə son zəng oldu. Məzunlarımlzln sevincinin həddi - hüdudu yox idi. Kollecimizin həyətində sanki qucaq dolu gül-çiçək səpələnmişdi. Üzlərdən səadət yağırdı. Bu, həm də vida mərasimi idi. İndi uşaqları daha ağır, məsuliyyətli, keşməkeşli yollar gözləyir.

      Əziz balalarım, sizə uğurlar diləyirəm!

Tələbə. Azad fikir. Düşüncələr. Təkliflər…

         Bəzən  çox  adi   şeylər  arzulayırıq,  bəzən  də  mümkünsüz  arzuların  həyata  keçməsini  istəyirik. Amma  həyatda  elə  insanlar  da  var  ki,  istəkləri,  arzuları  heç  vaxt  reallığa  çevrilməyib,  ya  da  ki,  gerçəkləşən arzuları  çox  kiçik  olduğu  üçün, onları  qane  etməyib.

       Gənc  tələbələr,  çox  istərdim  ki,  sizin  arzularınız,  fikirləriniz,  təklifləriniz  həyata  keçsin! Həyat  çox  maraqlı, keşməkeşli  yoldur. Bu  yolda  sizə  uğurlar,  yeni  nailiyyətlər  və  tələbəlik  həyatında  düzgün,  tərbiyəvi  adət - ənənələrimizi  yaddan  çıxartmayasınız,  vətənimizə  layiqli övlad  olasınız!

       Əziz  tələbələr,  bu  səhifədə  istəklərinizi,  düşüncələrinizi,  suallarınız,  təhsillə  bağlı  fikirlərinizi  yaza  bilərsiniz.

Gözəllik bayramı

     Mayın 10-da H.Əliyev adlna  sarayın  qarşısındakı parkda gül bayramı keçirildi. Bu bayramla  əlaqədar Fransa, İtaliya və Hollandiyadan Bakıya çox gözəl  güllər gətirildi. Bayramda bu ölkələrdən gətirilən  ən nadir güllər də nümayiş etdirildi..

     Həmin gün mən də öz qrupumun tələbələri ilə birlikdə Gül bayramında iştirak etdik, dənizkənarı parkda incəsənət nümayəndələrinin konsertini seyr etdik 

Valideyn təklifləri

            Valideyn  və  müəllim elə   insanlardır  ki, onların uşağın  formalaşmasında  çox  böyük  təsiri olur. Adətən,  valideynlərdə  uşağı  tərbiyə  etmənin  iki  üsulu  olur. Birincisi  kritikadır  ki,  bu  zaman  çatışmayan  cəhətlər  söylənilir. İkincisi  isə  tərifdir.

Valideynlər   uşaqlara  onların  yaşına  müvafiq  tələblər  verməli,  nəinki  həmin  tələblərə  əməl  olunmasına  diqqət  yetirməli,  həm  də  onlara  müstəqillik  verməli, ailə  problemlərinin  müzakirəsinə  cəlb  etməli,  uşaqları  narahat  edən  məsələləri  onlarla  birlikdə  müzakirə  etməlidir. Valideynlər  bu  yolla  uşaqlarda  iradə  və  xarakterin  inkişafı,  məsuliyyət  hissinin  formalaşması  üçün  şərait  yaradır.

Valideynlərin  uşaq  və  yeniyetmələrlə  sosial-  siyasi  mövzularda  söhbətləri  də  böyük  tərbiyəvi  əhəmiyyətə  malikdir. Valideynlər-  uşaqlara  ən  yaxın  adamlardır;  uşaqlar,  bir  qayda  olaraq,  onlara  hamıdan  çox  inanır,  etibar  edirlər. Valideynlərin  ictimai  hadisələrə  verdikləri  qiymətlər  onlar  üçün  vətəndaşlıq  dərsidir.

Valideynlərin uşaqların  həyatındakı  rolunu  qiymətləndirmək  çətindir.  Buna  görə  də  çox  istərdim  ki,  onlar  bunu  başa  düşsünlər  və  uşaqların  tərbiyəsində  daha  da  yaxından  iştirak  etsinlər. 

Bu səhifəni yaratmaqda  məqsədim valideynlərlə münasibət qurmaq, onların təklif və fikrlərini, arzularını bilməkdir.Şərhlərinizi gözləyirəm. 

KURATOR

Tədris  qruplarında  bu  işi  adətən  qrup  rəhbəri və ya qrup nümayəndəsi həyata keçirir.Qrup  rəhbərinin  işi  bir  çoxları  üçün  “kadr  arxasında”  qalır.  Qrup  nümayəndəsini  biz  hər  gün  görürük, onunla söhbət edə bilirik.  Kuratorların arasında çox maraqlı, yaradıcı və səmimi,  nadir şəxsiyyətlər vardır! Qrupa  rəhbərlik etmək böyük     pedaqoji  səriştə  tələb  edir. Yuxarı sinif şagirdləri, tələbələr üçün bu , olduqca  zəruridir.  1-ci  kursda  adaptasiya  olunmağa  köməklik   zəruridirsə , axrıncı  kursda  özünümüəyyənetmədə  buna, ehtiyac  o qədər də çox deyil. Bu  funksiyanı  yalnız  qrup  rəhbərləri  həyata  keçirə  bilər. Hər kursda  oxuyan  tələbələrin  psixologiyaları  müxtəlif  formalarda  olur. Qrup rəhbərinin  professionallığı    tələbələrdə fərdi  xüsusiyyətləri,  mövcud  professiyada  olan  adekvatlılığı  yaratmaqda özünü göstərir.  Qrup  rəhbərlərini   yerinə yetirdikləri  vəzifələrin  dairəsinə  görə  bir  neçə  qrupa bölmək  olar:

Mimio

       
Müasir tələblərə cavab verən avadanlığın təhsil ocaqlarında istifadəsinə böyük tələbat olduğunu nəzərə alaraq, Təhsil Nazirliyinin dəstəyi ilə 2009-cu ildən Mimio İnteraktiv texnologiyaları üzrə Təlim mərkəzi mövcuddur və burada DYMO/Mimio şirkətinin (ABŞ) Azərbaycan nümayəndəliyi tərəfindən bu texnologiyalar üzrə təlim kursları təşkil olunub. Kursu bitirmiş müəllimlər qurğudan dərslərində istifadə etməyi və interaktiv dərs, dərs vəsaiti, çalışmalar və tapşırıqlar hazırlamağı tam şəkildə öyrənmiş olurlar.

Açıq dərslər

    Mənim fikrimcə,  tədris prosessinin əsasını müəllimlə tələbələrin birgə fəaliyyəti təşkil edir.  Tələbələrin bilik və tərbiyəsinin keyfiyyəti  birbaşa qabaqcıl təcrübələrin müəllimlər tərəfindən istifadə olunmasından asılıdır. Bizim kollecimizdə maraqlı açıq dərslər, bayram tədbirləri keçirən istedadlı müəllimlərimiz çoxdur.Bu dərs və tədbirlərdən istifadə edərək müəllimlər təcrübə mübadiləsi apara bilərlər. Mən dəfələrlə açıq dərslər keçirmişəm.Onu da qeyd etmək istəyirəm ki, heç vaxt özüm və tələbələrim açıq dərslərə hazırlaşmırıq. Səbəbi isə odur ki, kollecimizdə, demək olr ki, hər gün  müxtəlif fənlər üzrə açıq dərslər keçirilir.

    Artıq 3-4 ildir ki,mənim dərslərimdə prezentasiyalardan istifadə edirəm. Bundan başqa, biz prezentasiyalar müsabiqələri də keçiririk. Bu, tələbələrimizin çox xoşuna gəlir. Onlarda dərsə maraq yaranır və onlar özləri belə müsabiqələrin tez-tez keçirilməsini xahiş edirlər.Bu isə bizim işimizdə olduqca vacib məsələdir. Tələbələrdə bu marağı  gördükcə, müəllim də daha böyük həvəslə  işləmək istəyir.

Açıq dərslərdən görüntülərə, video-dərslərə vətəqdimatlara  burada baxa bilərsiniz.

Mənim qrupum

    Bu il mənim rəhbərlik etdiyim L-207 qrupu (Laboratoriya diaqnostikası ixtisası) kollecimizi bitirir. Bu qrupun tələbələri mənim sevimli tələbələrimdir.Bu qrupla artıq 3 ildir ki, işləyirəm.Qrupun tələbələri BKK-nın ictimai həyatında fəal iştirak edərək, müxtəlif müsabiqələrin, yarınşların, olimpiadaların qalibləri olublar. Bu qrupda yeganə oğlan Zeynallı Hüseyn qrup qızlarının sevimlisi, müəllimlərin fəxri, gələcəyi parlaq bir nümunəvi tələbədir. Qızlarımız isə gözəl-göyçək, ağıllı-kamallı, tərbiyəli, bacarıqlı,tələbələrdir. Bütün kollecimiz onlarla fəxr edir. Qrupa 5 əlaçı, 10 zərbəçi təhsil alır.Bu il bu qrup BKK-nı bitirərək böyük həyata qədəm qoyurlar. Onlara yeni həyatlarında uğurlar, sevinc dolu günlər, müvəffəqiyyətlər arzulayıram. Əziz tələbələrim, Bizi, məni, ümumiyyətlə BKK-nı unutmayın.Siz bilirsiniz ki, mən sizi nə qədər çox istəyirəm.